தனைத்தானே சுட்ட பொலிஸ் அதிகாரி.

அம்பாறை தலைமையகத்தின் பொலிஸ் பரிசோதகர் ஒருவர் தனது உத்தியோகபூர்வ துப்பாக்கியால் தலையில் சுட்டுக் கொண்டுள்ளார். இந்த சம்பவம் நேற்று (01) காலை இடம்பெற்றுள்ளதாக தெரிவிக்கப்படுகிறது.

அம்பாறை தலைமையக பொலிஸாரின் பொலிஸ் இன்ஸ்பெக்டர்களுக்குரிய வீட்டுத் தொகுதிக்கு முன்பாகவே சம்பவம் இடம்பெற்றுள்ளது. சம்பவத்தில் படுகாயமடைந்த பொலிஸ் உத்தியோகத்தர் அம்பாறை வைத்தியசாலையில் அனுமதிக்கப்பட்டுள்ளார்.

படுகாயமடைந்த பொலிஸ் இன்ஸ்பெக்டரின் மூளை பாதிக்கப்பட்டுள்ளதாகவும், அவரது நிலைமை கவலைக்கிடமாக உள்ளதாகவும் வைத்தியசாலை வட்டாரங்கள் தெரிவிக்கின்றன.

இந்நிலையில் சிரேஷ்ட பிரதி பொலிஸ் மா அதிபர் ராஜித ஸ்ரீ தமிந்தவின் பணிப்புரையின் பேரில் சம்பவம் தொடர்பில் அம்பாறை பொலிஸார் விசேட விசாரணைகளை மேற்கொண்டு வருகின்றனர்.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...